Sinadurak biltzen aritu ondoren, La Herrerari buruzko mozioa aurkeztu dute hainbat herritarrek Udalean. Trintxerpe XXI eta Laurak Bat elkarteen ekimenak «arrakasta» izan duela nabarmendu dute bi taldeetako kideek.

Atzo aurkeztu zuten mozioa Arizabalon, mila sinaduratik gora bildu ondoren. Hiru eskaera bildu dituzte bertan. Batetik, Udala onartzen dute La Herrera ordenatzeko eskumena duen organo bakarra bezala. Horregatik, eskaera egin diote «herriko eta herritarren interesen alde», ez dezatela lan hori inongo administrazioren esku utzi. Eta, azkenik, ez dezatela inongo akordiorik egin La Herrerari buruz, «herritarrek dituzten proposamenak ezagutu arte». Era beran, positibotzat jo dute Udalak hasitako parte-hartze foroa